Ads 468x60px

Slider Text

।।। रेडियो मधेश मलंगवाको अफिसियल ब्लग साईटमा तपाईंहरु सबैलाई स्वागत छ ।।।
Internal Corporate Communications

सर्लाही प्रहरी प्रमुख बिरुद्ध मलंगवामा बिरोध प्रर्दशन

रंजिता शर्मा सर्लाही, २४ माघ । अपराधका मुद्दा दर्ता नगरेर दोषिलाई छाडेको भन्दै सर्लाही जिल्ला प्रहरी प्रमुखको विरुद्धमा बुधवार मलंगवमा चन्द्रनगरका व्यक्तिहरु आएर नारावाजी गर्दै बिरोध प्रर्दशन गरेका छन् । साँढे २ महिना अघि चन्द्रनगर ६ कामदका लखिन्द्र मुखिया लगायत व्यक्तिले स्थानीय नथुनी मुखिया, किसनन्दन मुखिया र रामकेवल मुखियालाई कुटपिट गरेको मुद्दा अझै दर्ता नगरेकोले स्थानियबासीहरुले नारावाजी गरेका छन् । पटक–पटक आएर मुद्धा दर्ता गर्नका लागि भन्दा आजभोली भन्दै आज सम्म प्रहरी झुलाएको आरोप पिडित पक्षले लगाएका छन् । बाध्य भएर दबाब दिनका लागि आफुहरुलाई बिरोध प्रदर्शन गर्नु परेको चन्द्रनगर गाउँपालिकाका वडा सदस्य एवम् पिडित रामकेवल मुखियाले बताउनुभयो । करिब २ सय ५० जनाको संख्यामा आएका स्थानियबासीले भ्रष्ट प्रशासन मुर्दाबाद, कानुनी राज्य काम गर, पैसाले न्याय खरिद विक्री बन्द गर, भ्रष्ट एसपी मुर्दाबाद, चन्द्रनगरको मुदा दर्ता गर र मानव अधिकारको रक्षा गरौ जस्ता चर्को नाराबाजी समेत गरेका थिए । कुटपिटवाट नथुनीको टाउकोमा गम्भीर चोट लागेको छ । नथुनीको टाउकोमा ८ वटा टाँका लगाउनु परेको छ । किसनन्दन मुखियालाई १२ वटा टाँका लागेको छ, भने रामकेवलको खुट्टा भाँचिएर स्टील हाल्नु परेको छ । प्रहरी प्रमुख प्रदेश सभाको बैठकमा भाग लिन जनकपुर गएकोेले आवश्यक छलफल हुन् सकेन प्रहरी नायब उपरीक्षक राजेश थापाले बताउनुभयो । सर आएपछि दुबैपक्षका कुरा सुनि आवश्यक कारबाहीका प्रकृया अगाडी बढ्ने थापाले जानकारी दिनुभयो । प्रदर्शनकारी नाराबाजी गर्दै प्रहरी कार्यालय अगाडी पुग्दा कार्यालय अघिल्तीर पुग्दा गेटमा कडा सुरक्षा ब्यबस्था मिलाइएको थियो । जिल्ला प्रहरी अघिल्तीरै प्रहरी बिरुद्ध नारावाजी गर्दै जुलुस अघि बढेको थियो । जुलुस जिल्ला प्रशासन कार्यालय अगाढी समेत प्रर्दशन गरेको थियो । जिल्लाको शान्ति व्यवस्था अहिले निकै कमजोर भएको आरोप क्षेत्र १ का सांसद प्रमोद साहले लगाउनुभएको छ । प्रहरी शान्ति सुव्यवस्था छोडेर कमाउनमा मात्र ध्यान दिएको सांसद साहको प्रतिक्रिया छ । जिल्लामा व्यापक मात्रमा अपराधका घटनाहरु बढेको छ । सदरमुकामको बिच बजारमै चोरीका घटनाहरु हुन थालेको छ, लालबन्दीबाट ८ वटा मोटरसाईकल चोरी भएको छ, व्यापक मात्रामा जंगल फडानी भईरहेको उहाँले भन्नुभयो । सर्वसाधारण जनताले अब न्याय नपाए चुप लाग्ने बाला छैन् साहले बताउनुभयो ।
 

रेडियो मधेश एक परिचय

मलंगवामा रहेका तिन वटा रेडियो मध्येको एक रेडियो हो रेडियो मधेश । वि.स. २०६६ साल श्रावण १६ गते संचालनमा आएको मधेशका लागि संचार संस्था द्बारा संचालित यस रेडियोको Frequency ८९.३ मेगाहर्ज रहको छ । यो रेडियो एउटा सामुदायिक रेडियो हो । बिहान ५ बजे देखि राती ११ बजे सम्म संचालन हुने यस रेडियोमा प्रत्येक घण्टा विभिन्न भाषाका समाचार लगायत CIN Network को साझा खबर तथा BBC को साथै बिभिन्न प्रकारका शिक्षामुलक, चेतना मुलक मनोरंजनात्मक तथा समय सान्दर्भिक विषयमा आधारित (मधेशक बात) कार्यक्रमहरु चल्ने गर्दछन् । Continued.......

सम्पर्क गर्नुहोस्

रेडियो मधेश ८९.३ मे.ह. जिविस चौक मलंगवा सर्लाही
फोन :-
०४६–५२१३९१ समाचार ०४६–५२१३९३ स्टूडियो
०४६–५२१३९२ कार्यालय ०४६–५२१३९३ फ्याक्स
ईमेल :-
radiomadhesh@gmail.com समाचार तथा सुचना
letters.radiomadhesh@gmail.com कार्यक्रमको लागि
url :-
www.radiomadhesh.blogspot.com मलंगवा
www.malangwa.radiomadhesh.org मलंगवा
www.janakpur.radiomadhesh.org जनकपुर
www.madheshfm.blogspot.com जनकपुर
 
Blogger Wordpress Gadgets