Thursday, April 06, 2023
भक्तीपुरमा पोखरीमा डुबेको अवस्थामा एक किशोरको शव फेला
सर्लाही, २३ चैत । सर्लाहीको भक्तिपुरमा बुधबारबाट हराइरहेका एक किशोरको शव पोखरीमा डुबेको अवस्थामा फेला परेको छ । ईश्वरपुर नगरपालिका-३ भक्तिपुरका बलिराम बरहीका १५ वर्षीय छोरा भुवन बरहीको शव बिहीबार साँझ पोखरीमा डुबेको अवस्थामा प्रहरीले फेला पारेको हो ।
बुधबार दिउँसो घरबाट बाहिरिएका भुवन रातिसम्म नआएपछि अभिभावकले प्रहरीमा जानकारी गराएका थिए । किशोर बेपत्ताको सूचना पाएको प्रहरी टोलीले उनको घरबाट करिब एक किलोमिटर पर रहेको पोखरीको किनारमा साइकल र केही कपडा देखेपछि पोखरीमा खोजतलास गर्दा किशोरको शव फेला परेको सर्लाहीका प्रहरी प्रवक्ता प्रहरी नायव उपरीक्षक कैलाश राईले जानकारी दिनुभयो ।
गर्मी छल्न पोखरीमा हामफाल्दा डुबेर मृत्यु भएको हुन सक्ने आकलन गरिएपनि घटनास्थलमा बारे थप अनुसन्धान भइरहेको उहाँले बतानुभयो ।
Subscribe to:
Post Comments (Atom)
No comments:
Post a Comment