Wednesday, April 05, 2023
रामवनमा ५ दिनदेखि अवरुद्ध बाटो खुल्यो
सर्लाही, २२ चैत । गोडैता नगरपालिका–५, रामवनमा विवादका कारण शनिवार विहानदेखि अवरुद्ध सार्वजनिक बाटो बुधवारदेखि संचालनमा आएको छ ।
गोडैता नगरपालिकाको मेयर देवेन्द्र कुमार यादवको नेतृत्वमा उपमेयर अन्जना कुशवाहा वडा ५ का वडा अध्यक्ष प्रकाश प्रसाद गुप्ता लगायत बासिन्दाहरुको उपस्थितीमा सार्वजनिक बाटोको अवरुद्ध हटाई संचालनमा ल्याईएको हो ।
बिगत दुई वर्षदेखि उत्पन्न सडक बिवाद समाधानमा सम्बन्धित निकाय ध्यान नदिदा शनिवार बिहानदेखि सार्वजनिक बाटो अवरुद्ध भएको थियो ।
स्थानिय हृदय नारायण साह र निजको छोरो संजय कुमार साहले बिगत लामो समयदेखि बाटो आफ्नो निजी रहेको भनेर बाटोमै गोबर लगायत फोहोर थुपारे राखेपछि त्यसको बिरुद्धमा पूर्व वडा अध्यक्ष सुनिल प्रसाद रस्तोगी, प्रेम शंकर रस्तोगी, मनोज रस्तोगी लगायतले सार्वजनिक बाटो अवरुद्ध गर्नुभएका थिए ।
बुधवार गोबर लगायतका अन्य फोहोर पदार्थ र अतिक्रमण गरिएको बाटो डोजरले सफा गरिएको छ । पूर्व वडा अध्यक्ष रस्तोगीको घरदेखि श्याम किशोर गुप्ताको घर अगाडि भएर राहुल साहको घरसम्म जाने सार्वजनिक बाटो १३ फिट कायम गरिएको र मनोज कुमार चौधरीको घरको दक्षिणबाट पूर्वजाने सार्जवनिक बाटो ११ फिट छुट्याइएको छ । साथै कसैले सोको विरुद्ध कार्य गरेमा कानुन बमोजिम कारवाही गरिने भनी सर्वसहमतिले निर्णय गरिएको छ ।
बाटो अवरुद्धका कारण स्थानीयवासीहरुलाई आवागमनमा समस्या हुँदै थियो र बाटो समस्या समाधानका लागि नगरपालिका र न्यायिक समितिमा पटक पटक उजुरी निवेदन परेको थियो ।
Subscribe to:
Post Comments (Atom)
No comments:
Post a Comment