सर्लाही, १७ कात्तिक । सर्लाहीको पर्सा गाउँपालिकामा लोकतान्त्रिक समाजवादी पार्टी (लोसपा) नेपाल र नेपाली कांग्रेस पार्टीका साझा उम्मेदवार प्रतिनिधि सभा पदका उम्मेदवार राजेन्द्र महतो र प्रदेश सभा सदस्य पदका उम्मेदवार जंगीलाल राय मत माग्दै जनताको घर घरमा पुग्नु भएका छन् ।
पर्सा गाउँपालिकामा विहिवार जनताको घर-घरमा पुगेर महतो र रायले मत माग्नु भएको हो ।
पर्सा गाउँपालिका अन्तरर्गत पर्ने शितलपुर, संग्रापुर, नारायणपुर, जिंगरवा र कविलासीमा जनताको घर-घरमा पुगेर दुबै जना उम्मेदवारले मत माग्नु भएका छन् ।
नेपाल समाजवादी पार्टीका अध्यक्ष रहेका महेन्द्र राय यादवले नेकपा माओवादी पार्टीका चुनाव चिन्ह हसिया हथौडा भाडामा लिई जनताको आँखामा छरा हाल्ने काम गरेको नेताद्वयले बताउनुभयो ।
महेन्द्र राय यादव यस क्षेत्रबाट पटक-पटक चुनाव जिते पनि जनताको अपेक्षा अनुसार कुनै विकासको कार्य नगरेकाले आफुहरु निर्वाचित भएपछि जनतको चाहना अनुरुप काम गर्ने नेता द्वय महतो र रायले प्रतिवद्धता जनाउनुभयो ।
घरदैलो कार्यक्रममा लोसपा र नेपाली कांग्रेसका कार्यकर्ताहरु तथा आम जनताहरु उत्साह पूर्वक उल्लेख्य संख्यमा सहभागी भएको थियो ।
No comments:
Post a Comment