सर्लाही, ३० पुस । सहारा मल्टिपर्पस को–आँपरेटिभ सोसाईटी लिमिटेडको १८ औं वार्षिक साधारण सभा आज शुक्रवार मलंगवामा एक समारोहका बीच सम्पन्न भएको छ ।
साधारण सभामा संस्थाका अध्यक्ष वसी अहम मिकरानीलले आर्थिक वर्ष २०७७÷०७८ को वार्षिक प्रतिवेदन र आर्थिक वर्ष २०७९÷०८० को अनुमानित वार्षिक कार्यक्रम तथा बजेट प्रस्तुत गर्नुभएको थियो ।
अध्यक्ष मिकरानीले साधारण सभामा प्रस्तुत गर्नुभएको प्रतिवेदन अनुसार संस्थाको कुल शेयर पुँजी ४ करोड ५९ लाख ७ हजार ५ सय रुपैया रहेको छ । त्यस्तै संस्थाको कुल निक्षेप रकम ६७ करोड ५ लाख २५ हजार १ सय २६ रुपैयाँ रहेको छ भने संस्थाको ऋण लगानी ५१ करोड ६३ लाख ५५ हजार ३ सय ५२ रुपैया रहेको छ । संस्थाले २१ लख १५ हजार ९ सय ३० रुपैया नाफा आर्जन गरेको अध्यक्ष मिकरानीले सार्वजनिक गरेको प्रतिवेदनमा उल्लेख गरिएको छ ।
सहारा मल्टिपर्पस को–आँपरेटिभ सोसाईटी लिमिटेड प्रधान कार्यालयले मलंगवामा सहारा डिपार्टमेन्ट स्टोर संचालन गरी सेवा प्रदान गरिदै आएको र आउने दिनमा अन्य शाखामा समेत डिपार्टमेन्ट स्टोर संचालन गरिने उहाँले उद्घोष गर्नुभएको थियो ।
साधारण सभाको अवसरमा विभिन्न व्यक्तिहरुलाई सम्मानित गरिएको थियो । राम्रो कार्य सम्पादन गर्ने शाखा, कर्मचारी, फिल्ड कार्यकर्ता, असल ऋणि, बचत कर्ता, संचारकर्मी लगायत विभन्न व्यक्तिहरुलाई सम्मानित गरिएको थियो । कार्यक्रममा संचालक समितिका सदस्य, व्यापारी प्रतिनिधि, संचारकर्मी, शेयर सदस्य, संस्थका कर्मचारी लगायत विभिन्न व्यक्तिहरुको सहभागीता रहेको थियो ।
यसैबीच संस्थाका अध्यक्ष वसी अहम मिकरानीको अध्यक्षतामा भएको बन्द सत्रबाट संचालक समिति तथा लेखा समिति निर्वाचन प्रक्रियाद्वारा सर्वसहमतीमा चयन गरिएको संस्थाका मुख्य प्रबन्धक सुनिल कुमार गुप्ताले जानकारी दिनुभयो ।
संस्थाको अध्यक्षमा पुनः वसी अहमत मिकरानी चयन गरिएको उहाँले जानकारी दिनुभयो ।
No comments:
Post a Comment