सर्लाही, १९ मंसिर । “स्वास्थ्य जिवन शैली हाम्रो आवश्यकता ,संकट न्युनिकरणमा महिला सामुदायिक स्वास्थ्य स्वयंसेविका’’ भने नाराका साथ गोडैता नगरपालिकामा आईतवार एक कार्यक्रमका बीच १८ औं महिला सामुदायिक स्वास्थ्य स्वयंसेविका दिवस मनाईएको छ ।
गोडैता नगरपालिकाका स्वास्थ्य शाखाको आयोजनामा गोडैता नगरपालिकाका नगर प्रमुख देवेन्द्र कुमार यादवको प्रमुख आतिथ्यमा दिवस मनाईएको हो । गोडैता नगरपालिकाको १२ वटा वडामा कार्यरत ९१ जना महिला स्वास्थ्य स्वयंसेविकाहरुलाई दिवसको अवसरमा सम्मानित गरेको स्वास्थ्य संयोजक प्रमोद पण्डितले जानकारी दिनुभयो ।
महिला स्वास्थ्य स्वयंसेविकाहरुलाई नगर प्रमुख यादवले दोसल्ला ओढाएर सम्मान गर्नुभएको छ ।
आफुहरुले गर्ने काम अनुसार उचित सेवासुविधा नपाएको स्वास्थ्य स्वयंसेविकाहरुले गुनासो गरेका थिए । आफूहरुको कामको तुलनामा पाउने सुविधा निकै कम भएको भन्दै राज्यले बेवास्ता गरेको गुनासो गरेका थिए । साथै उनिहरुले कार्यक्रम मार्फत टाढा रहेका ठाउँमा समयमा पुगेर छिटोछरितो सेवा प्रदान गर्न आफुहरुलाई साइकलको व्यवस्था गरिदिनु पर्ने समेत माग गरेका थिए ।
कार्यक्रममा विभिन्न वडाका वडाध्यक्ष, कर्मचारी ,स्वास्थ्यकर्मी, स्थानिय समाजसेवी, बुद्धिजिवी लगायतको उपस्थिती रहेको थियो ।
No comments:
Post a Comment