योसंगै सर्लाहीमा पाँच जना पालिका प्रमुखले लोसपाको पक्षमा सनाखत गरेका छन् । यसअघि बलरा नगरपालिकाका प्रमुख देवेन्द्र कुमार यादव, कौडेना गाउँपालिका अध्यक्ष रामप्रसाद राय, चन्द्रनगर गाउँपालिका अध्यक्ष महेन्द्र महतो र ब्रहम्पुरी गाउँपालिका अध्यक्ष बिनोद कुमार साह लोसपाको पक्षमा सनाखन गर्नुभएको छ ।
बलरा नगरपालिकामा तत्कालिन राजपाबाट निर्वाचित ३७ जना मध्ये ३६ जनाले आज आईतवार जिल्ला निर्वाचन कार्यालय मलंगवा सर्लाहीमा पुगेर सनाखत गरेको मेयर अभय सिंहले जानकारी दिनुभयो ।
सरकारले दल विभाजन सम्बन्धी अध्यादेश ल्याएपछि जसपाबाट छुटिएर बनेको लोसपा रोज्न निर्वाचन आयोगले प्रदेशसभा सदस्य र स्थानीय जनप्रतिनिधिहरुलाई २२ भदौसम्म समय दिएको छ ।
सर्लाहीको विभिन्न पालिकामा निर्वाचित जनप्रतिनिधिहरु लोसपाको पक्षमा सनाखत गर्ने क्रम जारी रहेको लोसपाका नेता नागेश्वर महतोले जानकारी दिनुभयो । आईतवार गोडैता, ईश्वरपुर र चन्द्रनगरका वडा अध्यक्ष सदस्य लगायतका जनप्रतिनिधिले निर्वाचन कार्यालय मलंगवमा लोसपाको पक्षमा सनाखत गरेको उहाँले बताउनुभयो ।
No comments:
Post a Comment