सर्लाही, ३० भदौ । राष्ट्रिय बालदिवसको अवसरमा चक्रघट्टा गाउँपालिकाको वडा नम्बर ५ पडरियामा जनशक्ति युवा क्लवले शैक्षिक सामाग्री वितरण गरेका छन् ।
५७ औ राष्ट्रिय बालदिवसको अवसरमा मंगलवार क्लवले कार्यक्रमको आयोजना गरी पडरिया स्थित रहेको जनता माध्यमिक विद्यालय, होस्टे हैसे जनता प्राथमिक विद्यालय र एक निजि विद्यालयका विद्यार्थीहरुलाई शैक्षिक सामाग्री वितरण गरेको हो । तीनटै विद्यालयका करिब ९५० जना छात्र–छात्राहरुलाई शैक्षिक सामाग्री वितरण गरिएको जनशक्ति युवा क्लवका अध्यक्ष धिरेन्द्र ठाकुरले जानकारी दिनुभयो ।
विभिन्न व्यक्ति तथा संस्थाका सदस्यहरुले गरेको आर्थिक सहयोगबाट काँपी, डट लगायतका शैक्षिक सामाग्री विद्यार्थीहरुलाई वितरण गरिएको अध्यक्ष ठाकुरले बताउनुभयो ।
जनता मावि पडरियामा ४ सय, होस्टे हैसे जनता प्राविमा ३५० र सनराईज इंग्लिस बोर्डिग स्कूलका २०० विद्यार्थीलाई शैक्षिक सामाग्री वितरण गरिएको छ ।
शैक्षिक सामाग्री वितरण कार्यक्रममा जनता माविका प्रधानाध्यापक, देवधरी यादव, होस्टे हैसे जनता प्राविका प्रधानाध्यापक रामनारायण मण्डल, क्लवका सचिव बलराम प्रसाद साह र कोषाध्यक्ष संजीव चौधरी लगायत शिक्षक, विद्यार्थी तथा विभिन्न व्यक्तिहरुको सहभागीता रहेको थियो ।
साथै दिवसको अवसरमा मनोरंजनात्क कार्यक्रमको आयोजना समेत गरिएको थियो ।
No comments:
Post a Comment