सर्लाही, ९ असोज । मलंगवामा आज शनिवार दुई वटा वेवारिसे शव फेला परेको छ । मलंगवाको बेग्ला बेग्लै स्थानमा ७ महिने शिशु र एक युवकको शव फेला परेको हो ।
मलंगवा नगरपालिका वडा नम्बर ४ स्थित पल्सी जाने बाटोमा रहेको सार्वजनिक पोखरीमा एक ७ महिने शिशुको शव फेला परेको छ । आज बिहान पोखरीमा ७ महिने बालकको शव स्थानियले देखेपछि प्रहरीलाई खबर गरेको थियो ।
त्यस्तै आज दिउँसो मलंगवा वडा–७ गणेशिया भन्दा दक्षिण साईड नहरमा अन्दाजी ४० वर्षिय एक युवकको वेवारिसे शव फेला परेको छ ।
आज दिउँसो नहरमा माछा मार्न गएका व्यक्तिहरुले युवाको शव देखेपछि स्थानियले प्रहरीलाई जानकारी गराएको थियो । पहिचान नखुलेको दुवै शव अहिले मलंगवा अस्पतालमा राखिएको छ । घटना सम्बन्धमा प्रहरीले थप अनुसंधान प्रक्रिया अगाडी बढाएको छ ।
No comments:
Post a Comment