सर्लाही, ९ असोज । बलरा र गोडैता नगरपालिकामा लोकतान्त्रिक समाजवादी पार्टी (लोसपा) को सदस्यता वितरण गरिएको छ ।
पूर्व सांसद केदार नन्दन चौधरीको प्रमुख आतिथ्यमा बलरा नगरपालिकाको गडहीया र गोडैता नगरपालिकाको मधुवनीमा लोसपाको सदस्यता वितरण गरिएको हो ।
सदस्यता वितरण कार्यक्रममा लोसपाका सर्लाही जिल्ला संयोजक रामप्रसाद राय, बलरा नगरपालिकाका मेयर अभय कुमार सिंह, लोसपा नेता अलख सिंह, डुमरियाका वडा अध्यक्ष अवधेश मण्डल गडहियाका वडा अध्यक्ष रवि साह लगायत दुवै ठाउँमा लोसपाको स्थानिय कार्यकर्ताहरुको ठूलो संख्यामा सहभागीता रहेको थियो ।
गोडैता नपा–१२ मधुवनीमा केशव कुमार यादवको नेतृत्वमा करिब ५ सय जनाले लोसपाको सदस्यता लिएको छ । त्यस्तै बलरा नगरपालिकाको वडा नम्बर ७ र ८ गडहिया र डुमरीयामा करिब ४ सय जनालाई सदस्यता प्रदान गरिएको लोसपा जिल्ला कार्यसमिति सर्लाहीले जनाएको छ ।
No comments:
Post a Comment