सर्लाही, १९ भदौ । नेपाल रेडक्रस सोसइटीको स्थापना दिवसको अवसरमा शनिवार मलंगवमा २२ जनाले रक्तदान गरेका छन् । नेपाल रेडक्रस सोसाइटीको ५९ औं स्थापना दिवसको अवसरमा मलंगवा जेसिजले रक्तदान कार्यक्रमको आयोजना गरेको थियो ।
रक्तदान गर्ने २२ जना मध्ये २ जना महिलाले पनि रक्तदान गरेको रेडक्रसले जनाएको छ । मलंगवाको बालमन्दिरमा रक्तदान कार्यक्रमको आयोजना गरिएको थियो ।
रक्तदान कार्यक्रममा नेपाल रेडक्रस सोसइटी सर्लाहीका सभापति नागेन्द्र चौधरी, उपसभापति इश्वर गुप्ता, मन्त्री राजन सिंह, मलंगवा अस्पतालका प्रमुख नवल किशोर झा, पत्रकार विश्वनाथ ठाकुर, मानव अधिकारकर्मी मुकेश मिश्र, मलंगवा वडा नम्बर ८ का वडा अध्यक्ष ईश्वरी श्रेष्ठ लगायतको सहभागीता रहेको थियो ।
No comments:
Post a Comment