सर्लाही, १९ भदौ । नेपाल निजामती कर्मचारी युनियनले आप्mनो स्थापना दिवसको अवसर पारेर जिल्ला अस्पताल मलंगवामा फलफुल तथा मास्क वितरण गरेको छ ।
३१ औ स्थापना दिवसको अवसरमा मलंगवा अस्पतालका प्रमुख नवल किशोर झाको प्रमुख आतिथ्यता तथा नेपाल निजामती कर्मचारी युनियन सर्लाहीका अध्यक्ष कपिलदेव साहको अध्यक्षतामा अस्पतालमा भर्ना भएका बिरामीहरुलाई आज बिहान फलफुल वितरण गरिएको हो ।
नेपाल निजामती कर्मचारी युनियनले प्रत्येक वर्ष आफ्नो स्थापना दिवसको अवसरमा सर्लाहीमा विभिन्न कार्यक्रम गरी मनाउँदै आएको छ । दिवसकै अवसरमा आज मलंगवा अस्पतालमा भर्ना भएका सम्पूर्ण बिरामीहरूलाई फलफुल तथा मास्क वितरण गरिएको नेपाल निजामती कर्मचारी युनियन जिल्ला कार्य समिति सर्लाहीका सदस्य शैलेन्द्र कुमार महतोले जानकारी दिनुभयो ।
फलफुल तथा मास्क वितरण कार्यक्रममा निजामती कर्मचारी युनियनका केन्द्रीय सदस्य राम किशोर साह , उपाध्यक्ष मीन बहादुर चौधरी, रामदुलार साह, सचिव युगल किशोर साह कोषाध्यक्ष प्रमोद चौधरी , सहसचिव संजित कुमार राय लगायतको सहभागीता रहेको थियो ।
No comments:
Post a Comment