सर्लाही प्रहरीद्वारा प्रियंका भुजेल हत्याका अभियुक्त सार्वजनिक

 प्रियंका भुजेल हत्या अभियोगमा पक्राउ परेका कृष्ण साह र अनिष दाहाल ।

सर्लाही, ८ भदौ । सर्लाहीको लालबन्दी नगरपालिका १७ रानीगंजकी १४ वर्षीया बालिका प्रियंका भुजेलका हत्याका अभियुक्तलाई प्रहरीले सार्वजनिक गरेको छ ।

जबर्जस्ती करणी गरी हत्या गर्ने सोही स्थानका १९ वर्षीय कृष्ण साह र अन्दाजी १९ वर्षीय अनिष दाहाललाई प्रहरीले पत्रकार सम्मलेन गरेर सोमवार साँझ सार्वजनिक गरेको हो । 

प्रियंका भुजेल हत्याका प्रकरणलाई लिएर विभिन्न राजनीतिक दलका भातृ संस्था र अधिकारकर्मीले हत्या प्रकरणका दोषीलाई पक्राउ गरि सत्य तथ्य सार्वजनिक गर्न दवाव मुलक कार्यक्रमहरु गरिरहदा सोमवार सर्लाही प्रहरीले हत्याका अभियुक्तलाई सार्वजनिक गरेको छ ।

अनुसन्धानको क्रममा अभियुक्तहरुले प्रियंकासँग साउन ३१ गते राति साढे ११ बजे भेट्न गएको र घर पछाडी तीनैजना कुरा कुरागरेको आवाज आई घरपरिवारले थाहा पाएर हो(हल्ला गरेपछि उनिहरु भागरेर जंगल पुगको प्रहरी संग बताएका छन् । प्रहरीका अनुसार दुई अभियुक्तसंगै भागेर जंगलमा पुगेकी प्रियंकालाई युवाहरुले घर जान दबाब दिएका थिए ।

घर परिवार र लोकलाजको कारण प्रियंकाले घर र्फकन अस्विकार गरेको अनुसंधानबाट खुलेको सर्लाहीका प्रहरी प्रमुख प्रहरी उपरीक्षक संतोष सिंह राठौरले जानकारी दिनुभयो ।  यस अघि पटकपटक सारिरिक सम्वन्ध समेत रहेका अभियुक्त अनिषसँगै जान प्रियंकाले अडान लिएको खुलेको छ,’। ‘उनले अनिषले नलगे आत्म हत्या गर्छु भन्दै,खोलाको केही अग्लो ठाउँबाट हामफालेर घुक्र्याएको पाईन्छ,’ ।

‘प्रहरीका अनुसार त्याहाँबाट हाम फदाल्दा मान्छेको ज्यान जाने कुनै सम्भावना छैन, । यस क्रममा अभियुक्त कृष्ण साहले ’तँ मर्ने हो भने म मारिदिन्छु’ भन्दै घाँटी थिची मार्न खोजेका थिए । प्रहरी प्रमुख प्रहरी राठौरले पत्रकार सम्मेलनमा भन्नुभयो,।’ ‘अभियुक्तहरुले खहरे खोला भएपनि वर्षाकोकारण बगिरहेको पानीमा मुख थिचि कर्तव्य गरी शवलाई घटनास्थलभन्दा २ सय मिटर उत्तरमा खाल्डो भएको ठाउँमा हातले खनेरै पुरेका थिए,’ ।

प्रहरीको अनुसन्धानमा प्रियंका र अनिषको पहिलेदेखि नै सम्बन्ध रहेको समेत खुलेको छ । दुबैजनाको मोबाइल कल डिटेल चेक गर्दा पहिलेदेखि नै दुबैजनाको सम्बन्ध रहेको भेटिएको छ । प्रियंकाको हत्या भएपछि स्थानियवासी र विद्यार्थी संगठनहरुले जिल्लाको विभिन्न स्थानमा विरोध प्रदर्शन समेत गर्दै आएका थिए ।

साउन ३१ गते राति साढे ११ बजेदेखि प्रियंका घरबाट हराएकी थिइन् । प्रियंकाको बुबा राजेश भुजेलले ३२ गते इलाका प्रहरी कार्यालय लालबन्दी छोरी हराएको भन्दै खोजविन गरी दिनका लागि उजुरी दिएका थिए । लालबनदी प्रहरी उजुरी प्राप्त भएकै मितिबाट प्रियंकाको खोजिमा जुटेको थियो । यस क्रममा प्रहरीले गाउँका विभिन्न मानिससँग सोधपुछ गरि सोही दिनदेखि गाउँको दुईजना युवा पनि वेपत्ता भएको पत्तालगाएको थियो ।

त्यसपछि प्रहरीले संकाको आधारमा गाउँकै दुई युवा १९ वर्षीय कृष्ण साह र अन्दाजी १८ वर्षीय अनिष दाहाललाई भदौ १ गते पक्राउ गरि सोधपुछ गर्दा उनिहरुले नै प्रहरीलाई प्रियंकाको शव उनको घरबाट ३ किलोमिटर पश्चिम(उत्तर लालबन्दी ६ स्थित कालिन्जोर खोला पुल भन्दा २ सय मिटर दक्षिणको बगरमा गाडेर राखेको बताएका थिए । प्रहरीले जनप्रतिनिधि, स्थानीय, प्रियंकाको बुबा र अभियुक्तलाई साथमा लिएर जाँदा अभियुक्तहरुले भनेकै स्थानमा शव फेला परेपछि घटनामा उनीहरुको संलग्नता रहेको आसंकामा अनुसन्धान थालेको थियो । प्रहरीले सोमवार साँझ अभियुक्तहरुलाई सार्वजनीक गरेको भए पनि मृतको परिवारले अझै शव बुझेका छैन्न ।