निलहिरा समाजले सर्लाहीमा गाइजात्रा मनायो
सर्लाही, ८ भदौ । निलहिरा समाजले सर्लाहीको सदरमुकाम मलंगवामा सोमबार गाइजात्रा मनाएको छ ।
पहिचान नेपाल मलंगवाको सहयोगमा निलहिरा समाज सर्लाही, राइट हेयर , राइट नाउ संस्थाको आयोजनामा मलंगवमा गाईजात्रा मनाईएको छ ।
समाजले विभिन्न कार्यक्रम गरी १८ बर्ष अघि देखि गाइजात्रा मनाउदै आएको छ । तेश्रोलिङ्गिहरु एकै ठाउमा भेला भएर अघिल्ला बर्षहरुमा मनाउने गरीएकोमा यस बर्ष कोरोना भाइरस को जोखिम रहेकाले कम संख्यामा समाजिक दुरीको पालना गरी दिवस मनाएका छन् ।
मलंगवाको जिल्ला विकास चौकमा भेला भएर समाजिक दुरी अपनाई गाईजात्रा मनाईएको निलहिरा समाज सर्लाही कार्यक्रम संयोजक नजमा (अब्दुल सहमत) ले जानकारी दिएकी छिन । कोरोनाका कारण मृत्यु भएका तथा तेश्रोलिंगीहरुको सम्झनामा मैनबती बालिएको उनले बताईन ।
कार्यक्रममा निलहिरा समाजको कार्यकारी निर्देशक संजय शर्माले तेश्रोलिंगीले संविधानमा भएको व्यवस्था अनुसार सुविधा पाउनुपर्नेमा जोड दिनुभएको थियो । गाईजात्रामा राधा मौसी लगायतको सहभागीता रहेको थियो ।
No comments:
Post a Comment