सर्लाहीका क्रिकेट खेलाडी गुलशन झा राष्ट्रिय क्रिकेट टोलीमा
सर्लाही, ५ भदौ । नेपाल प्रहरीका फास्ट बलर सर्लाही निवासी गुलशन झा पहिलो पटक राष्ट्रिय क्रिकेट टोलीमा परेका छन् । ओमानमा हुने आईसीसी सीडब्लुसी लिग–२ अन्तर्गतको नेपाल, ओमान र अमेरिकाबीचको त्रिदेशीय श्रृंखलामा झाले राष्ट्रिय टोलीमा स्थान बनाउन सफल भएका हुन् ।
शनिबार नेपाल क्रिकेट संघले झासहित १७ सदस्यीय राष्ट्रिय टोलीको घोषणा गरेको हो । क्लोज क्याम्पमा रहेका कमलसिंह ऐरी र साहब आलाम बाहिरिएका छन् । ज्ञानेन्द्र मल्लको नेतृत्वमा रहेको राष्ट्रिय टोली मंगलबार ओमान प्रस्थान गर्ने कार्यक्रम रहेको क्यानले जनाएको छ ।
सेप्टेम्बर १४ देखि २० सम्म हुने विश्वकप छनोट आधार रहेको लिग–२ प्रतियोगिता अघि नेपालले ओमानमै पपुवा न्युगिनीसँग दुई वटा अभ्यास खेल खेल्ने कार्यक्रम रहेको छ ।
No comments:
Post a Comment