मधेश समाचारदाता
सर्लाही, २१ चैत । सर्लाहीको पर्सा गाउँपालिकाको संग्रामपुरमा आज मंगलवारदेखि लघु उदम विकास कार्यक्रम अन्तरगत उद्यमशिलता विकास तालिम सुरु भएको छ ।
लघु उद्यम विकास शाखा पर्सा गाउँपालिकाको आयोजनामा सुरु भएको तालिमको उद्घाटन मंगलवार गाउँपालिका अध्यक्ष धिरेन्द्र यादव ‘बिस्पत’ गर्नुभयो । पर्सा–२ का वडा अध्यक्ष राकेश रामको अध्यक्षतामा भएको तालिम उद्घाटन कार्यक्रममा वडा अध्यक्ष सतेन्द्र राय यादव, कार्यपालिका सदस्य, प्रविन रजक, सामाजसेवि अरुण मण्डल, सहजकर्ता, वन प्राविधिक, सामाजिक अगुवाहरु र महिला उदमीहरुको उपस्थिति रहेको थियो ।
‘आर्थिक समृद्धिको आधार लघु उद्यम मार्फत रोजगार’ भन्ने नाराका साथ गरिबी निवारणका लागि लघु उद्यम विकास कार्याक्रम अन्तर्गत पर्सा गाउँपालिकामा उद्यभशिलता विकास लागि व्यवसाय सचेतना तथा व्यवसाय सुरु र आर्थिक सामाजिक समावेशिकरण तालिम सुरु भएको छ ।
आठ दिनसम्म चल्ने उद्यमशिलता तालिममा ८० जना महिलाको सहभागीता रहेको लघु उद्यम विकास शाखा प्रमुख विमलेश रायले जानकारी दिनुभयो ।
No comments:
Post a Comment