सर्लाहीको ब्रहम्पुरी गाउँपालिका अध्यक्ष बिनोद कुमार साह सहित २९ जनाद्वारा लोसपाको पक्षमा सनाखत

 

सर्लाही, १७ भदौ । सर्लाहीको ब्रहम्पुरी गाउँपालिका अध्यक्ष बिनोद कुमार साह लगायत २९ जनाप्रतिनिधिहरुले लोकतान्त्रिक समाजवादी पार्टी (लोसपा) रोज्नुभएका छन् ।

गापा अध्यक्ष साह, उपाध्यक्ष गितादेवी यादव लगायत २९ जना जनप्रतिनिधिले बुधवार दिउँसो जिल्ला निर्वाचन कार्यालय मलङ्गवामा पुगेर लोसपाको पक्षमा सनाखत गर्नुभएको हो । सनाखत गर्न बाँकी रहेका कतिपय सदस्य बाहिर भएका कारण अर्को दिन सनाखत गर्ने  गाउँपालिका अध्यक्ष बिनोद कुमार साहले जानकारी दिनुभयो । 

 ब्रहम्पुरी गाउँपालिकामा लोसपा रोज्ने जनप्रतिनिधिहरुमा गाउँपालिका अध्यक्ष बिनोद कुमार साह, उपाध्यक्ष गितादेवी यादव, वडा नम्बर १ का वडा अध्यक्ष नगिना प्रसाद, सदस्यहरु रेखादेवी यादव, मजिद मिया, केवला देवी, वडा नम्बर २ का वडा अध्यक्ष राजेन्द्र साह, सदस्यहरु कलम हुसैन अन्सारी, रेयान्जन देवी, महानारायण ठाकुर, नजरुल मंसुर र प्रमिला देवी वडा नम्बर ३ को सदस्यहरु मन्जु कुमारी, डोमी राउत, देववती देवी सदा र काशी कापड, वडा नम्बर ५ का वडा अध्यक्ष कृष्ण मोहन कापड, सदस्यहरु राम विलास पासवान, चन्द्र देवी, महेशी साह तेली र चन्द्रकला देवी रहेको छ, वडा नम्बर ६ का वडा अध्यक्ष श्याम बाबु राय, सदस्यहरु सुरेखिया देवी, बिरेन्द्र महतो, असिया देवी र वडा नम्बर ७ का सदस्यहरु ललन साह सुडी, शैली देवी, राम सखी महतो र लालबाबु महतो रहनुभएको छ ।  

सनाखत नगर्नेमा वडा नम्बर ४ का वडा अध्यक्ष सहित ४ जना सदस्य, वडा नम्बर ३ का वडा अध्यक्ष श्याम किशोर साह र वडा नम्बर ७ का वडा अध्यक्ष रहेको छ । सनाखत नगर्नेमा वडा नम्बर ७ का वडा अध्यक्ष श्याम सुन्दर यादवमाथि बलात्कारको आरोपमा जिल्ला प्रहरी कार्यालय सर्लाहीमा मुद्धादर्ता भएको छ ।      

ब्रहम्पुरी गाउँपालिकाको सात वटै वडामा तत्कालिन राजपाको तर्फबाट कार्यपालिका सदस्य समेत गरी ३८ जना निर्वाचित हुनुभएको थियो । जसमध्ये आज २९ जनाले लोसपाको पक्षमा सनाखत गरेको जिल्ला निर्वाचन कार्यालय सर्लाहीले जनाएको छ । बाँकी पालिकाहरुको बिहिवारदेखि भदौ २२ गतेसम्म गरिने जिल्ला निर्वाचन कार्यालयले जनाएको छ । 

सरकारले दल विभाजन सम्बन्धी अध्यादेश ल्याएपछि एमालेबाट छुटिएर बनेको एमाले समाजवादी र जसपाबाट छुटिएर बनेको लोसपा रोज्न निर्वाचन आयोगले प्रदेशसभा सदस्य र स्थानीय जनप्रतिनिधिहरुलाई २२ भदौसम्म समय दिएको छ ।