चन्द्रनगर गाउँपालिकाका अध्यक्ष महेन्द्र महतोद्वारा लोसपाको पक्षमा सनाखत
सर्लाही, १८ भदौ । सर्लाहीको चन्द्रनगर गाउँपालिका अध्यक्ष महेन्द्र महतो आज जनता समाजवादी पार्टी (जसपा) प्रत्याग गरी लोकतान्त्रिक समाजवादी पार्टी (लोसपा) नेपालको पक्षमा सनाखत गर्नुभएको छ ।
गाउँपालिका अध्यक्ष महतो, उपाध्यक्ष बिनादेवी साह लगायत वडा अध्यक्ष, कार्यपालिका सदस्य गरी १५ जनाले आज लोसपाको पक्षमा सनाखत गरेको जिल्ला निर्वाचन कार्यायल मलंगवा सर्लाहीले जनाएको छ । बाँकी रहेका जनप्रतिनिधि भदौ २२ गते सम्म सनाखत गर्ने गाउँपालिका अध्यक्ष महतोले जानकारी दिनुभयो ।
त्यस्तै ब्रहम्पुरी गाउँपालिका वडा नम्बर ३ का वडा अध्यक्ष श्याम किशोर साहले आज लोसपाको पक्षमा सनाखत गर्नुभएको छ । गएको बुधवार नै ब्रहम्पुरी गाउँपालिकाका अध्यक्ष बिनोद कुमार साह लगायत २९ जनाले लोसपाको पक्षमा सनाखत गरेको थियो ।
लोसपाको पक्षमा गोडैता नगरपालिकाका मेयर देवेन्द्र कुमार यादव र कौडेना गाउँपालिकाका अध्यक्ष रामप्रसाद राय बिहिवार सनाखत गर्नुभएको थियो ।
सनाखत गर्ने कार्यक्रममा आज लोसपाका संघिय सांसद एवम् पूर्वमन्त्री चन्दा चौधरी र प्रदेश सभा सदस्य उपेन्द्र महतो समेत सहभागी हुनुभएको थियो ।
No comments:
Post a Comment